بطل الحكاية
أنا عندي حِلم وفي يوم أكيد، هقدر وأطول أبعد سماء
أنا فيَّ قلب يقدر يقول، الكلمة من غير ترجمة
بحلم يكون لي في يوم كَيان وأخذ مكان
وأوصل لأحلامي إنما
الشمس نورها عشان يبان لازم تكون
الدنيا قَبله مظلمة
المستحيل وَهم بخيال، كل اللي سابه القطْر فات
بس اللي يتعب في الزمان، ده بكرة يِعمل مُعجزات
يفرق معانا كل حد وكل إيد بتشدنا
وإزاي في ناس واقفين ورانا، بدون سبب بتحبنا
ومكان ما حلمي يكون هروح دايما هناك
في حلم مستنيني على خط النهاية
ومن غير ما تحتاج حد فينا إحنا معاك
هتكون في يوم بطل الحكاية
آه، آه، آه، آه
أنا عارف إني مُختلف، ودي حاجة مُش بإيديّ إني أحلها
أنا نفسي بس أشوف وأحس، في عيونكم نظرة أرتاح لها
قالوا الجمال في الروح عشان هي اللي باقية
مهما هتعدي السنين
قلت الجمال إنك تشوف نفسك جميلة
بأي شكل في كل عيب
إختلافنا رحمة لينا وحكمة من حكم الحياة
كل واحد ناقصه حاجة، في غيره حاجة مكملاه
مش مهم تعيش حياتك، كلها مع حد شبهك
المهم إنك تعيش مع حد مطمن معاه
نفسي تشوفوني زي ما أنا وزي ما أكون
وما أشوفشي نفسي في مرايتكم مليان عيوب
في حاجات كثير ما تبانش للناس بالعيون
محتاجة تتشاف بالقلوب
