قمرية
آه، آه، آه
أنا ما مليت لكن من ظلامك خايف
أنا ما اتخليت لكن معمي بس ما شايف
ماشي في طريقي ما بسمع كلامهم هايف
بحارب فيك بس بحارب مين ما عارف
آه، آه، آه، آه
آه، آه، آه، آه
سلام الله للخرطوم قلبه الخرطوم غزة
حليم حرك لي قالي تعال نعاتب عزة فا
ما كنت وطن يا عزة
منه اللي نساكي لو الموت بخلي أبوي عايش لبسوني الكاكي فا
ضحكة طفلة كانت بتنسينا المجازر
الود خريج لكن زافنوا للمقابر
صوت الدانة حار صوت الكمان بكاي
أحضني يا قبر حضن الوطن قساي
سامحني يا با
مرات أتجنن أقلب البلد خرابة
وعمره ما شفنا الكلاب بتحكم غابة
تضحك معاك ومن وراك تشوف أنيابها
كله فداء الوطن ياخ وما علينا
أكبر سفينا في بورتسودان تقف في الميناء
(شايلة القبايل كلها وترسي بينا (ترسي بينا
فداء الوطن وما علينا إيه، آه
إتذكرتيني يا قمرية
كلاب عزة بتنهش فيني يا قمرية
أخوي فضى الدوشكة فيك وفيني يا قمرية
ما كنت صاحبك أنقذيني يا قمرية
يا بلد أنا كنت قايلك تبت من تعب السفر
ومن مخاوات القماري ومن شراب موية المطر
يا بلد أنا كنت قايلك تبت من تعب السفر
ومن مخاوات القماري ومن شراب موية المطر
دقت طبول وناقوس الخطر
كله مغلوب مافي زول انتصر
وأبوي الشايب يا أخ ظهره اتكسر
صقر الجديان بالكلاب اتأسر
عايز أهرب يا أخي وينه المفر
ميتين في النص بين الشر والشر
محروق محصولك وعطشان المطر
واقع مؤلم بس راضيين بالقدر
آه) إتذكرتيني يا قمرية)
آه) كلاب عزة بتنهش فيني يا قمرية)
آه) أخوي فضى الدوشكة فيك وفيني يا قمرية)
آه) ما كنت صاحبك أنقذيني يا قمرية)
آه، آه، آه
بكرة بتضوي أنوار المدينة
