دعوة فرح
جيت لك هناك حسب الميعاد، جيت لك عشان أنهي البعاد
جيت لك هناك حسب الميعاد، جيت لك عشان أنهي البعاد
جيت لك أحدد حب عمري إيه مصيره، جيت لك وسايب بين إيديك خط سيره
جيت لك عشان أبدأ معاك من جديد، جيت لك أعيش وأحلم بعمري يكون سعيد
جيتي بالخطوة البطيئة جيتي بالضحكة الرقيقة
جيتي زي ما قولتي جايّا وفي معادك بالدقيقة
جيتي بالخطوة البطيئة جيتي بالضحكة الرقيقة
جيتي زي ما قولتي جايّا وفي معادك بالدقيقة
أنا لما شفتك قلبي طار من لهفتي، وجريت عليك وشوقي سابق خطوتي
جبتي السنين في شريط حزين متجمعة، وسكتي فجأة وعيني خايفة مدمعة
ولقيت إيديك في شنطتك ومطلعة، دعوة فرح، دعوة فرح، دعوة فرح
دعوة فرح وفيها إسمك جنب إسمه، بردت إيديّ وضاع خيال حلمي اللي رسمه
الدهشة والخوف والألم سكنوا ملامحي، ما بقيتش عارف ألاقي صوتي وألم جرحي
معقول ميعاد الفرح يتبدل ألم، معقول سنين الحب يطويها الندم
معقول ميعاد الفرح يتبدل ألم، ألم معقول سنين الحب يطويها الندم
طب جيتي ليه وقصدك إيه من اللقى، جيتي عشان ترميني في حضن الشقى
طب جيتي ليه وقصدك إيه من اللقى، جيتي عشان ترميني في حضن الشقى
مبروك عليك الفرح وعليّ الجراح، مش هو ده حلمك خلاص إمشي بقى
خلاص إمشي بقى
