احسن صرت (Radio Edit)
لما نكون
مع نفسنا نحاول انو نصالح مع المنا
لكن الصدمة انو الالم عنيد يقتلنا يريد
شي عجيب تصالح ويه وجع وتبدا تتعود
اسب ام القطار الوكف وابني سكة جديدة
راد مني الزمن بوسه فوك كفة وانحني لكني اكسرت ايده
افكار غريبة تدور بذهني بكل مرة احاول انو افتهمني
منو الي يكتب هذا مو كلت متفائل راح اصير
يزيد الوجع وابدي ادور على مسكن واحقن وريد قلمي بحروف جداً كأيبة
احاول انو امسك فكرة حلوة تخلي روحي تفرح
وكل الي مسكته لحن كمان عود حزين حقير يجرح
اصف حروف الف وباء واحاول اشفي مرضي
صلف هذا الوباء موت كل طاقة بيه بحادث عرضي
سرة توكف الافكار على بالي تتوسل انو اكتب فكرة فرحة
واعبي مخزني بتشاؤم واعدم كل ابتسامة بعقلي وحزني يعله صرحة
احس احسن صرت من فرغت افكاري بورقة
ماكو شجاعة تكفي حتى انهي هالمسيرة بطلقة
لو اكتب كلشي يدور بعقلي جا صرت ملعون
حقير بعيد عن الرحمة
مؤمن اني بربي راضي بقدره لكن لو اعرف الي تلاعب بالقدر خلالي بكلبي وحمه
جا جلدته بنوع عتاب
اكعده بغرفة اسد الباب
وابدي اساله عن اسباب
واشوفه ظني الي خاب
بكل حمامي الصار غراب
والزم وهواس البيه ادوسه اطلع روحه اخلي بنصه كل البيه
اساله ترضى قابل انت بهالاذية
وليه اسوي ع الاذاني ع الزمن ع الظلمة ع العوز
افوز الفوز على الخسارة
اجفص الجكارة افرح كل حزن
كل ظلم اظلمة
اضوي الظلمة ارجع اللمة
اجمع الفراك اغّــني كل فقير وكل حقير انبذه اسوي هوسة بنص كل صفنة احبل كل عقيم
اعبد كل طريق
أرجع التقي بصديق
اشيل هموم الناس كلهة وابدلهن فرح
ارجع اضحك احسن من قبل هذا الصحيح ترة وغيره ميصح
