Aakrosh

Ghutne rakhte gardano pe, darjone pe tear gas,
Faltu ke funds, dene waalo ko hi care back.
Kathputli nachane waale, bacho ko gadhate.
Aakhen khol andhi janta yeh insaaf kya hi jaane?
Huuuh! Mujhe saans lene do, dum hai ghutta,
Yeh hawa ka hai asar ya hai yeh khud ka?
Majdoor bewajah mare, kisaan dete jaan bebas.
Bech dete sab, na mili jaan waapas maangne par.
Naxalwadi nahi, usko jhootha naamdo,
Khakhi waale gunde rakhte bewajah ka aakrosh.
Fulon ke vyapari karte rangon mai yeh naaptol,
Button harkatein, bas dabaate har ek kaand ko.
Online bots aur offline gunde paale rakhte,
Yeh ek mafia jo din dahaade chalte.
Ilzaam inke sar pe bhaari, hote jaate halke,
Yeh system in a bottle jisme neta hote halke.

Tum ghulam ho, isse badi koi sachai nahi hai, yeh desh sirf naam ke liye aazad hai. Tum sab itne kaid ho ki tum jo kehte ho tumhe uss cheez ke liye koi goli maardega aur woh baat 6 mahine mai dab jayegi. Jaatiwaad, samman ki raksha ke liye khoon, faasiwaad, logon ki jaan se upar khudki jeb rakhne waale inn suaron ki baaton mai mat faso, khud ki soch rakho warna tum utne hi zimmedaar ho, jitne yeh log hai.

Niyamit inki soch par hai niyam saare lapata,
Khudko yeh dikhana chahte shudh, yeh na khalsa.
Paise waale log rote roz khamakha,
Mere log marte bhookhe, inki kismat mai na daal-bhaat.
Mehengai badhi par mehenga jahaaz hai,
System jo udaata aaye paise woh kahase?
Saaf paani bhi na milta rehte hum jahape,
Yeh saaf kare desh? Bina koshish yeh hasade.
Purana CPU, desh chalate lag hone pe bhi,
Maansik experiment yahape lab hone pe bhi.
Beef ban kar banaye jaate cash cow,
Safed jhooth yeh paise black hone pe bhi.
Har taraf ki hai galti toh fir kaun galat?
Kahaani ho ya khabar, dono mannghadat.
Sarkaari aspataal hai bekaar, saare log kahe,
Neta jaate private mai, paise pucho kaun bhare?

Pucho pucho, sawaal puchne ka samay hai.
Aur waqt haath se baha jaa raha hai.