Jö schau

[Songtext zu „Jö schau“]

[Strophe 1]
Neilich sitz i umma hoiba zwa im Hawelka
Bei a poa Wuchteln und bei an Bier
Auf amoi gibts beim Eingang vuan a Mordstrara
Weu a Nockerter kummt eine bei der Tür

Da oide Hawelka sogt: "Suach ma an Plotz!"
Oba sie mocht an Botzn Bahö
Weu sie mant, dass sowos do net geht
Und er soi si schleichn, ober schnö

[Refrain]
Jö schau, so a Sau, Jassas na
Wos mocht a Nockerter im Hawelka?

[Bridge]
Geh wui, oiso pfui, meiner Söh
Hehrst i schenierat mi an seiner Stöh
Aner ruaft: "Ein Wahnsinn!
Gebts eahm wos zum Anziehn!"
Doch sei Freindin meint: "Geh fesch
Endlich aner ohne Wäsch!"

[Refrain]
Jö schau, so a Sau, Jassas na
Wos mocht a Nackerter im Hawelka?

[Strophe 2]
Der Ober Fritz sogt: "Wir sind hier ein Stadtcafé
Und wos Sie do mochen is a Schweinerei"
Ein oida Schauspieler mant wiederum: "Aber geh!
Oiso i find do gar nix dabei."
Drauf sogt der Nockerte: "Moment! Moment!
Sie wissen wohl nicht wer ich bin
A wann mi kaner kennt, i bin sehr prominent
Als elegantester Flitzer von Wien"

[Refrain]
Jö schau, so a Sau, Jassas na
Wos mocht a Nockerter im Hawelka?

[Bridge 2]
Geh wui, oiso pfui, ondrer seits
A so a Nockerter hot a sein Reiz
Moch ma hoit a Ausnahm
Sei ma heit net grausam
Weu ein Bohemien-Lokal
Pfeift auf Spießbürgermoral

[Refrain]
Jö schau, so a Sau, Jassas na
Wos mocht a Nockerter im Hawelka?