Salamat Musika

[Verse 1]
Paano mo patatahimikin ang isang bunsong iyakin?
Huhunihan ni inay ng la-la-rin-la-rin
Paano mo patatahanin ang pagtatampo ni Neneng?
Pasalamat ka't may awit na kakantahin

[Verse 2]
Sa mga indayog, tayo'y napapasayaw
At sa labis na galak ay napapasigaw, wow
Ang mga kirot sa puso ay lumilipad
Ang mga mithi ay natutupad

[Chorus]
Salamat, salamat musika
Lahat ng panahon maaasahan ka
Salamat, salamat musika
Itong munting mundo ay napapasigla

[Verse 3]
Ang mga bituin sa langit at mga katha ng isip
Ay hindi sapat upang mabuhay ang daigdig
Ang magagandang tanawin at mga tulang malamim
Kukulangin din upang tayo ay aliwin

[Verse 4]
Aanhin ang kayamanang 'di madadala?
Aanhin ang kagandahang pansamantala?
Ang katahimikan ba ay may nagagawa
Upang ihayag ang nadarama?

[Chorus]
Salamat, salamat musika
Lahat ng panahon maaasahan ka
Salamat, salamat musika
Itong munting mundo ay napapasigla, napapasaya
Salamat, salamat musika
Lahat ng panahon maasahan ka
Salamat, salamat musika
Itong munting mundo ay napapasigla
Salamat musika

[Outro]
Salamat musika
Salamat musika