قربك سعيد [Original]
Asaeel
يـاغلاي إلـي عن عيونـي بعيد
إنت أغلى من يغيب ومن حضر
في غيابك تشتعل روحي وقيد
و فـي لقاك يمـر عَ قلبي نهـر
إنت أغلى من عشقت ومن أريد
تدمي جروحي على طاري السفر
قمت أحـس الكون دونك مايفيـد
وقمت أحس العمر من دونك خطر
كل يوم أشتاق و أبدا من جديد
وكل لحظة معك يبدا بـي عمر
صرت أشوفك دنيتي إنت الوحيد
وفي غلاتك صرت لي كل البشر
يالوحيــد إلي إذا سولـف قصيد
وإن سكت أقرى من عيونك شعر
ينولد بإحساسك المرهف نشيد
غنـته حــب وغلا طيـور الفجـر
أنا قلبي عاش في قربك سعيد
كل ما يضماك يروى بك مطـر
هذا قلـبي قصر هارون الرشيد
وحتى روحي حارسه باب القصر
إنت في روضك مقدم وإنت سيد
إنـت مثلك يامر فــؤادي أمـر
الأكيـد الي أنــا اعرفه أكيــد
إن غيــرك ماله بقلـبي أثـر
