Tres Hermanikas
Fortuna
Tres hermanikas eran
Blancas de ros ay, ramas de flor
Tres hermanikas eran
Tres hermanikas son
Las dos eran casadas
Blancas de ros ay, ramas de flor
Las dos eran casadas
La una se deperdió
Su padre con verguenza
Blancas de ros ay, ramas de flor
Su padre con verguenza
A Rodes la envió
En medio del camino
Blancas de ros ay, ramas de flor
En medio del camino
La niña se durmió
Por aí passó el cavallero
Blancas de ros ay, ramas de flor
Por aí passó el cavallero
Tres besikos el le dió
Uno en cada cara
Blancas de ros ay, ramas de flor
Uno en cada cara
Y uno al corazón.
