Omnia Sol Temperat

Omnia sol temperat purus et subtilis, nova mundo reservat facies Aprilis;
ad Amorem properat animus herillis,
et iocundis imperat deus puerilis
Rerum tanta novitas in sollemni vere.
et veris auctoritas iubet nos gaudere, vias prebet solitas, et in tuo vere
fides est et probitas tuum retinere.
Ama me fideliter! fidem meam nota. de corde totaliter
et ex mente tota
sum presentialiter absens in remota, quisquis amat taliter, volvitur in rota.