زنوبيا
زنوبيا، زنوبيا إسمعي يا زنوبيا
إسمعي يا زنوبيا إسمعي
أبواق الرومان عم تعلن نهاية تدمر
تدمر، يا نجمة المشارق
حاصرتك روما وإستشهدوا أبطالك
لبصرى عم يسمع نحيبك يا طفلة الممالك
إهربي يا زنوبيا، إهربي يا زنوبيا
وين العربية ويني
والممر السرية ويني
وكرام الدراويش ويني
ولا تذلك روما زنوبيا إهربي
لأ إذا أنا بهرب، الأرض ما بتهرب
كل شي عم يهرب
المملكة السعيدة طفلة الممالك هربت من إيدينا
خمس سنين، حكمت زنوبيا
بنيت حضارة ثارت على روما
خمس سنين يا غفلة سريعة يا خمس سنين
خمس سنين مئة سنة بيمروا مثل الطير
بياكلهن الزمان، زمان اللي بياكل كلس الحيطان
بس اللي بيبقى لوحده بيبقى
شرف الوقفة صرخة بوجه الظلم
إنهدم البرج إنكسر السور العسكر هاجم صوب الملكة
مثل الأطفال اللي بدن يتخطافوا اللعبة
إهربي يا زنوبيا، إهربي يا زنوبيا
و إنتوا ؟
نحنا منبقى، نحنا عشب الأرض
والعاصفة بتمرق فوق، بتكسر الورد العالي
وردة إنت والعاصفة جاية تاخذك إنت
أنا زنوبيا ملكة المملكة النبيلة
لأجل الحرية بختار الموت، عطوني كاس الموت
الملكة العظيمة رفضت الظلم
وإختارت الموت إختارت النسيان
ودعوا زنوبيا بموسم الدمع
بصوت الفرح بورق الرمان
الملكة العظيمة رفضت الظلم
وإختارت الموت إختارت النسيان
ودعوا زنوبيا بموسم الدمع
بصوت الفرح بورق الرمان
يا موت يا زهرة البطولة
يا تاج الحياة وعطية المحبة الخجولة
يا موت هديني بإيدي خذني ع طرقات
مفروشة بالنوم وسعيدة
ويا أهالي تدمر خمس سنين من العمر
عشتوها أحرار
إلكن سما وهوية واللي سكن الحرية
اليوم إنهار ما بقى تقدر روما تسلب منه الحرية
كاسك يا موت
أورليانوس، الإمبراطور
زنوبيا ما إلك مهرب من روما حتى بالموت
أورليانوس أنا برفض روما وسيطرة روما
إنت إتمردتي
نحنا عم نتحرر
وعارفة مصيرك؟
عارفة مصيري بساحات روما مكبلة بالحديد
إمشي بالشوارع مغلوبة أسيرة
يتفرجوا الناس ع الملكة الأسيرة
اللي بده يصير ما عاد يهم
أنا لعبت الدور والدور المهم
لا تخدعي الناس صارحي الناس
قولي لهن إنكسرتي، إنكسرتي، إنكسرتي
أورليانوس الإنكسار بيمضى والإنتصار بيمضى
وبكرة بالإيام تدمر اللي انكسرت
وروما اللي إنتصرت تنينتهن حجار
وإنت وأنا تمثالين بساحة الأثار
لكن بكل زمان و مكان بدا تطلع روما تطغي وتظلم
وبدا تطلع تدمر ترفض الظلم
وبآخر الآخر بسهول الزمان
تنتصر تدمر، تدمر الحرية
تدمر الصرخة اللي بقلب الإنسان
كبلوا زنوبيا، كبلوا زنوبيا خذوها على روما
تتقدم أجسامنا يحصدها السيف الحاصد
تتمدد أيامنا ينهبها الوقت الراصد
إذا مننسى زنوبيا أو صرخة زنوبيا
زنوبيا، زنوبيا، زنوبيا
تتقدم أجسامنا يحصدها السيف الحاصد
تتمدد أيامنا ينهبها الوقت الراصد
إذا مننسى زنوبيا أو صرخة زنوبيا
زنوبيا، زنوبيا، زنوبيا
لوحوا بإيديكن ودعوا زنوبيا
قولوا للشعرا يكملوا الأشعار
قولوا للثوار يضلهن ثوار
المملكة تدمر إنتهت من الأرض
صارت بالقلوب صارت بالمدار
صارت الصرخة وصارت النار
أورليانوس عجل خذني على روما
عليت الصرخة كبرت على الموت
لا عسكرك أورليانوس ولا قوة روما
ولا كل روما بالدهر بتسكت ها الصوت
تتقدم أجسامنا يحصدها السيف الحاصد
تتمدد أيامنا ينهبها الوقت الراصد
إذا مننسى زنوبيا أو صرخة زنوبيا
زنوبيا، زنوبيا، زنوبيا
زنوبيا، زنوبيا، زنوبيا
