القدس العتيقة
مريت بالشوارع، شوارع القدس العتيقة
قدام الدكاكين اللي بقيت من فلسطين
حكينا سوى الخبرية وعطيوني مزهرية
قالوا لي هيدي هدية من الناس الناطرين
ومشيت بالشوارع، شوارع القدس العتيقة
أوقف ع باب ابواب صارت وصرنا اصحاب
وعينيهن الحزينة من طاقة المدينة
تاخذني وتوديني بغربة العذاب
كان في أرض وكان في إيدين عم بتعمر
عم بتعمر تحت الشمس وتحت الري
وصار في بيوت وصار في شبابيك
عم بتزهر صار في ولاد وبإيديهم في كتاب
وبليل كله ليل، سأل الحقد بفية البيوت
والإيدين السودا خلعت الأبواب، وصارت البيوت بلا أاصحاب
وصارت البيوت بلا أصحاب
بينن وبين بيوتن فاصل الشوك والنار والإيدين السودا
عم صرخ بالشوارع، شوارع القدس العتيقة
خلي الغنيّ تصير عواصف وهدير
يا صوتي ظلك طاير زوبع بها الضماير
خبرهن ع اللي صاير بلكي بيوعى الضمير
يا صوتي ظلك طاير زوبع بها الضماير
خبرهن ع اللي صاير بلكي بيوعى الضمير
خبرهن ع اللي صاير بلكي بيوعى الضمير
