بدي خبركن
بدّي خبّركن قصّة صغيرة، صغيرة القصّة وإنتوا صغار
منحكي وبتصير الليلة قصيرة، بكرة إنشاء الله تصيروا كبار
ليلة عيد فرح جديد، والأطفال انْوَعَدوا بالطفل السعيد
غنّيات لعب وزينات، وتتزيّن الشجرة للميلاد السعيد
وكان في ولاد نسيِت الأعياد، نسيت تزورُهن بليلة الميلاد
بيتهم بعيد والقرش بعيد، وما عندهم تيزيّنوا شجرة الميلاد
صاروا يصلّوا يركعوا يصلّوا، ويمكن صلاتهم بكّت الدني
وكان في برّا عندهم شجرة، شجرة عمرها شي ميّة سنة
وفي رفّ عصافير ملوّن حلو كثير، وبدّو يبيت وما بقى بكّير
غطّ بها الشجرة صارت صفراء وحمراء، وطلّوا الأولاد وتزيّنت الشجرة
وفرحوا كثير بالزينة اللي بتطير، وصاروا يغنّوا، ويغنّوا العصافير
ونزل العيد عيّد مَعُهم العيد، ومن عَ بكرة سلّموا وطاروا العصافير
خبّرناكن قصّة صغيرة، صغيرة القصة وإنتوا صغار
حكينا وصارت الليلة قصيرة، وبكرة إنشاء الله تصيروا كبار
وبكرة إنشاء الله تصيروا كبار، وبكرة إنشاء لله تصيروا كبار
