E l’era tardi
E l'era tardi, l'era tardi
In quella sera stracca
Che m'è vegnuu bisogn d'on mila franch
Per quattà una tratta
Domandà mi gh'avevi vergogna
Domandà e savé nò a chi l'è...
Gh'era il Rino, l'è vera, il Rino
Soldaa insemma in di bersajer
Ma l'era tardi, l'era tardi
In quella sera stracca
E disturbà la gent sposà de pocch
Col lavorà che 'l fiacca
"La me scusa, sciora, gh'è il Rino?
La ghe disa gh'è 'l bersajer"
El vien-giò di scal, l'è in camisa
Mi soridi, lù nanca on vers
"Ciao, Rino, scusa, el so, l'è tardi, ma in questa sera stracca
Vorevi saludatt, ciamà i bei temp de la guerra, vacca!
Quand te seret senza morosa
Quand andavom a ciapà i ciocch
Sì, ma Rino, gh'è on altra ròba...
Va nò via, Rino... Ciao Rino... Ohé!"
E mi 'l savevi l'era tardi
Per disturbà la gent
Ciapaa magari a fà l'amor
La gent che la gh'ha i so impegn
Sì, ma emm faa anca la guerra insemma
Sott ai bomb, contra i fusilad...
Var pussee incoeu on bell mila lir
In sacoccia desmentegaa
Lalalalala...
Var pussee incoeu on bell mila lir
In sacoccia desmentegaa
Lalalalala...
Var pussee incoeu on bell mila lir
In sacoccia desmentegaa
