Itxura
Pello Reparaz, Iñigo Echezarreta
Maskararen atzean
ezkutatzen dena garrantzirik gabe.
Jendearen aurrean
ikusi nahi dutena irudikatzen.
Olerkien antzera
errima perfektua zaude bilatzen,
baina zure barruan
irudi hori ez duzu sinesten.
Beti itxuraren eskutan ohartu nahi ez.
Errepikatuz guztia arreta eske.
Eraikitako oskolak babesik gabe.
Erositako jarrera lotsaren truke.
Ospearen atean
erakusten duzuna irizpide gabe.
Gezurraren sarean
jarraitzaileekin egunero amesten.
Aktoreen antzera
lehenengo planoa zaude desiratzen,
baina zure barruan
kamararik ez duzu topatzen.
Zer erakutsi nahi dugu azalaren gainean?
Zerk baldintzatzen du irudia?
Zergatik gaude guztiok maskaren atzean?
Zein da zure aurpegi onena?
