يا روح [Original]
Gmouh
يا روح
يا روح.. كيف تروح والقلب ويّاك
كيف اقدر احيا دون قلبي ودونك
كثر الولَـه قاسي على روح تهواك
واللـيل مظلم دون شوفة عيونك
تدري في عين الحب ما حد يسواك
والعمر ما يزهر بليّا مزونك
لولاك .. ما يشتاق مغليك .. لولاك
هونك على من ذاب في العشق هونك
أشتاق لك وانت الهَنا كيف ما اهْناك؟!
يا ملّون احساس المشاعر بلونك
تتلخبط ازمان المشاعر والافلاك
والكون ما هو كون من دون كونك
خذني على قد العتب علني افداك
والاّ على قد الغرام .. وشجونك
أغليك واحبك وأعشقك واهواك
قل لي وش الدنيا حبيبي بدونك
