اتجمل لنفسي [Original]
Anwar Almushiri
أحيان من زود الحنين لا مرّت العِشرة
أتـجمّـل لْنفسي واواعِـِدها وارتّـبـهـا
شايف أحد يشتاق أحد ويسولِف إلعطره
مرّة يـراقص صورتـه وْ مرّة يـعاتـبـهـا
هالمرحلة وَصّلتني..وهالمرحلة خطرة
الله يستـر حالتـي وش هي عواقبـهـا
——-
أتـبـسّم بْـوَجه الـوَلَـه وبداخلي حسـرة
والحسرة موت ٍفي الحياه وإن عاش صاحبها
عَلّـم غيـابك لا يطول وْقِـله على فِكـرة
من يـهوى روح ٍلو زعل منها..يعاتِـبـهـا
حنا بشر نخطي وْنصيب ونشتاق بالفطرة
والدنيا ما تسوى على كل زعلة نقلبها؟!!
