Scapricciatiello

[Testo di "Scapricciatiello"]

[Introduzione]
"Scapricciatiellu mio, vatténne â casa
Si nun vuó jì 'ngalèra, 'int'a 'stu mese"

[Strofa 1]
Comme te ll'aggi' 'a dì ca nun è cosa?
Chella nun è pe' tte, chella è 'na 'mpesa
Che vène a dì ch'è bella cchiù 'e 'na rosa
Si po te veco 'e chiagnere annascuso?
Làssala, siente a me, ca nun è cosa

[Ritornello 1]
Tu p' 'a bionda sî troppo onesto
Chella è nata pe ll'ommo 'nzisto
Alluntànate 'a 'sta "maésta"
Ca te pierde, figlio 'e mammà
Nun 'o vvide ca te repassa?
Te ciancéa cu ciento mosse
T' 'o ffà credere e po te lassa
Te fa perdere 'a libertà

[Strofa 2]
Tutt' 'e mmatine, mamma, dint'â cchiesa
Prega pe' te 'a Madonna e nun repòsa
Lass' 'o curtiello e nun fà 'o smaniuso
Si no tu vaje 'ngalèra e 'a bionda sposa
Curre add' 'a vecchia, va', cércale scusa

[Ritornello 2]
Nun 'o vvide ca te repassa?
Te ciancéa cu ciento mosse
T' 'o ffà credere e po te lassa
Te fa perdere 'a libertà

[Finale]
"Scapricciatiellu mio, vatténne â casa
Si nun vuó jì 'ngalèra, 'int'a 'stu mese"