’Na sera ’e maggio
Giuseppe Cioffi, Gigi Pisano
[Testo di "'Na sera 'e maggio"]
[Strofa 1]
Quanno vien'a 'appuntamento
Guarde 'o mare, guard' 'e ffronne
Si te parlo nun rispunne
Staje distratta comm'a che
Io te tengo dint'ô core
Songo sempe 'nnammurato
Ma tu, invece, pienze a 'n'ato
E te staje scurdanno 'e me
[Ritornello]
Quanno se dice "Sì"
Tiènelo a mente
Nun s'ha dda fá murì
'Nu core amante
Tu mme diciste "Sì" 'na sera 'e maggio
E mo' tiene 'o curaggio 'e mme lassà?
[Strofa 2]
'St'uocchie tuoje nun so' sincere
Comm'a quanno mmе 'ncuntraste
Comm'a quanno mme diciste:
"Voglio bеne sulo a te"
E tremmanno mme giuraste
Cu 'na mano 'ncopp'ô core:
"Nun se scorda 'o primmo ammore"
Mo' te staje scurdanno 'e me
[Outro]
Tu mme diciste "Sì" 'na sera 'e maggio
E mo' tiene 'o curaggio 'e mme lassà?
