Maria Marì
Eduardo di Capua, Vincenzo Russo
[Testo di "Maria Marì"]
[Strofa 1]
Arapete, fenesta
Famme affaccià a Maria!
Ccà stongo 'mmiez’â via
Speruto p' 'a vedè
Nun trovo ’n'ora 'e pace
'A notte 'a faccio juorno
Sempe pe' stà ccà attuorno
Speranno 'e ce parlà
[Ritornello 1]
Oje Marì, oje Marì
Quanta suonno ca perdo pe' tte!
Famme addurmì
Abbracciato ’nu poco cu’ tte!
Oje Marì, oje Marì
Quanta suonno ca perdo pe' tte!
Famme addurmì
Oje Marì, oje Marì!
[Strofa 2]
’Mmiez'a 'stu ciardeniello
Nce ride 'a malvarosa
’Nu lietto 'e ffronne 'e rosa
Aggio fatto pe' tte
Viene, c' 'a notte è ddoce
'O cielo ch'è 'nu manto!
Tu duorme e io te canto
'A nonna a fianco a te
[Ritornello 2]
Oje Marì, oje Marì
Quanta suonno ca perdo pe' tte!
Famme addurmì
Oje Marì, oje Marì
Oje Marì, oje Marì
Oje Marì!
