Guapparia

[Testo di "Guapparia"]

[Strofa 1]
Scetateve, guagliune 'e malavita
Ca è 'ntussecosa assaje 'sta serenata!
Io songo 'o 'nnammurato 'e Margarita
Ch'è 'a femmena cchiù bella d' 'a 'Nfrascata
Ll'aggio purtato 'o capo cuncertino
P'o sfizio 'e mme sentì 'e cantà
Mm'aggio bevuto 'nu bicchiere 'e vino
Pecché stanotte 'a voglio 'ntussecà
Scetateve, guagliune 'e malavita!

[Strofa 2]
È accumparuta 'a luna a ll'intrasatto
Pe' lle dà 'o sfizio 'e mme vedè distrutto
Pe' chello che 'sta femmena mm'ha fatto
Vurria ch' 'a luna se vestеsse 'e lutto
Quanno se nе venette â parta mia
Ero 'o cchiù guappo 'e vascio â Sanità
Mo', ch'aggio perzo tutt' 'a guapparia
Cacciatemmenne 'a dint' 'a suggità!
Scetateve, guagliune 'e malavita!

[Strofa 3]
Sunate, giuvinò, vuttate 'e mmane!
Nun v'abbelite, ca stò buono 'e voce!
I' mme fido 'e cantà fino a dimane
E metto 'ncroce a chi mm'ha miso 'ncroce
Pecché nun va cchiù a tiempo 'o mandulino?
Pecché 'a chitarra nun se fa sentì?
Ma comme? Chiagne tutt' 'o cuncertino
Addò ch'avess' 'a chiagnere sul'i'
Chiagnono 'sti guagliune 'e malavita