Angelarò
Lino Benedetto, Enzo Bonagura
[Testo di "Angelarò"]
[Strofa 1]
Oi quanta fonte nove songo nate
Tutt' 'e 'ffigliole belle nce sò ghiute:
Tutte ne sò turnate 'nnammurate
E io pure nce so' ghiuto ciente vote
Ma tu m'è ditto no
Ma tu m'è ditto no
Angelarò
[Ritornello 1]
Pe 'mme
Funtane e fonte
Sò seccate
Tu vuò n'ammore
Ma nun pienze 'a me
[Strofa 2]
E sò schiuppate a mille 'e 'rrose rosse
P' 'e ville nce facimme quatte passe
'Mmocca tu puorte 'o 'mmele d' 'e melisse
Ma si t'astregno a mano tu m'a lasse
Pecché m'è ditto no
Pecché m'è ditto no
Angelarò?
[Ritornello 2]
Tu sfrunne 'e rrose
E i' 'mbraccio
Te vvuttasse
Tu vuò n'ammore
Ma nun pienze 'a me
[Ritornello 3]
No, Angelarò
Pe 'mme
Funtane e fonte
Sò seccate
Tu vuò n'ammore
Ma nun pienze 'a me!
