Kabu Verde Kontra Racismo
[Verso 1]
Pret ta segregod na realidade k’m nascê
Chei de racista na empresa, govern, pulicia, escola, tv
Semp k’m ta bescá um traboi a sério ês ta dam k pê
Se ‘m ten rasta, karapinha, brinku, mi ka podê vencê
Nha identidad de pret ’m ka podê mantê
Ês ta pensa k’m ka sabê lê
K’m ka sabê eskrevê
K’m ka sabê komportá
K’nada mi ta intendê
K’m ka sabê falá
K’na sis kosa m ta mexê
Nha kabeça ti ta fervê
Nha koraçon ten revolta k’m ka podê
Kontê
Dis de kriança
M‘ta debosh de insult de govern, fog de pulicia e oi d’segurança
Na Portugal, Holanda, França ka ten esperança
Por iss nha esforço ta post na áfrika pa levá mudança
Pk ess terra ka tem más nada pa dam
Pelu contrario so ês krê tram
Governam e robam
Ma mi ê warria ness terra e mi ten nhas tropa pa judam
De Margem Sul, pa Lisboa, Boston, Paris, Rotterdam
Se ê pa vivê de joei, mi ta morrê de pê mas ês ka ta kalam
Pa tud kriol mundo fora, nô konstrui nôs kingdom
