نصيبي وقسمتك

يمكن في دنيا ما شوفنهاش، أيامها حلوة ما عشنهاش
يمكن نصيبي وقسمتك لسه في علم الغيب ما جاش
يمكن في دنيا ما شوفنهاش، أيامها حلوة ما عشنهاش
يمكن نصيبي وقسمتك لسه في علم الغيب ما جاش

طبيعتنا نصحى ونغمض في خوف بيجيبنا ويودي
وزي نفوسنا ما بتمرض يا ريت الحـب كان معدي
تعالوا واشبعوا من بعض ما فيش فرصة لحياة ثانية
محدش ضـامن الدنيا في لحظة العمـر بيعدي

أوان الحــب مش معـــروف مينفعش بزرار نعشــق
كأنـه طفــل مليان خوف وشبر المية فيه بيغرق
نروح أو نيجي إحنا ضيوف مجـرد ذكــرى متسـابة
في ناس مشاعرها كذابة وناس إحساسها ده بينطق

كم فرصة سيبتها برضاك ولا استحملت نتايجها
في كميـة عقد جواك ما تخلص منها وعالـجها
بتبقى الدنيـا ماشية معاك وتوصل سكة مجهـولة
وتلقى بيبانها مقفولة لكن ربـك بيـفـرجها

ما بيـن العمر ناس تايهين أملهم حظ يقـابلهم
وأطيـب خلق مش باينيـن وكثروا اللي تخاف منـهم
يا عالم ميـن حيوصل فين كثيـر عايشين حياة ناعمة
في منهم محدثين نعمـة وغيــرهم رضيوا بقليلهم