Sàmbini a soi

Ti regodas in cabudanni
istrintus in pratza de sa minera
Brutus e crarus in sa peddi
prontus a brintai in galera
Su francesu minatzendi
papat sceti chi traballa
ma sa genti chentza de nudda
de su fàmini non s'ispantat

in s'origa de su ricu
non nc'intrant fueddus de burdu
tandu tocat a sa brenti
a ddi fai cumprendi is contus
boant pedras in s'istrada
ddi torraus su chi s'ispetat
in su nòmini de sa giustìtzia
si scudint a bussinadas

sàmbini a soi
balleus mancu che sa pedra
sàmbini a soi
in s'iscuru de sa miniera
sàmbini a soi
po su meri pro sa frància
sàmbini a soi
est sichendi in sa pratza

Ti regodas in cabudanni
Strintus in pratza de sa minera
Brutus e crarus in sa peddi
prontus a brintai in galera
batrus cruxis a campu santu
operàius criminalis
terroristas e mandronis
si cundannant is giornalis
mortus lìberos immoi seus
libertadi non bi nd'at
chi s'interru in campu santu est
cussu puru de “Georgiades “