Ang Aking Pasko
Jandi Arboleda, jesuit Communications Foundation Inc
Pagkalembang ng batingaw
Aking puso'y napapahiyaw
Lumulukso sa pagdating ng ginaw na dala ng
Nagsisimulang araw
Magsisimbang-gabi na naman ako kasama mo
Maririnig ko nang muli ang tinig mong
Inaawit ang himig ng Pasko
Sa simula ng pagdarasal ko
Ngalan mo'y agad sa puso ko
Sana nama'y idulot N'yang mabago ko ang mundong
Iaalay ko sa 'yo
Sa araw ng Pasko magsisimba ako kasama mo
At doon ko iaabot ang anumang nabago ko
Kasama 'tong aking inaawit
Ipamamalas ko ang pag-ibig na nadarama sa 'yo
Katulad ng pagmamahal na sanhi ng pagdiriwang
Nitong ating Pasko, o giliw ko
At sa araw na ito alalahanin mong handang-handa ako
Maging kapiling mo
Kahit matapos na itong Pasko
