Abang Maria

Sinong mas malumanay sa kogong kumakaway
Sinong mas dalisay sa hamog sa himaymay
Sinong mas malambing sa mapaglarong hangin
Sinong mas maningning sa buwan at bituin

Abang Maria mahal naming ina
Ang landas tungo kay Hesukristo
Buong tiwala kanyang winika
Maganap nawa ang 'yong salita

Sinong magpapayapa sa bagyong nananakot
Sinong magpapasigla sa damong sumukot
Sinong takbuhan ng mga dukha
Sinong tanggulan ng mahihina

Abang Maria mahal naming ina
Ang landas tungo kay Hesukristo
Buong tiwala kanyang winika
Maganap nawa ang 'yong salita

Sinong dakilang lingkod ng amang utos
Santa Maria ina ng Diyos
Sino ang reyna ng langit at lupa
Sinong nag-aaruga sa lahat ng nilikha

Abang Maria mahal naming ina
Ang landas tungo kay Hesukristo
Buong tiwala kanyang winika
Maganap nawa ang 'yong salita

Sinong dakilang lingkod ng amang utos
Santa Maria ina ng Diyos