Weetslück

Wie soll dat hee all noch wiggerjonn
Jo, muss ich dann baal schon
Janz allein hee stonn
Wo sin die janze Lück all hin
Die mer söns hee hät jesinn
Wann dat esu wigger jeiht
Nimmp dat e ganz schlemm Eng

Wat es en Stadt noch wert
Die sing Weetslück nit ernährt
Wat es dat för ne Minscheschlag
Dä kein Metleid mih empfingk
Nur noch Bier us Fläsche drink
Un uns Weetslück och noch zom Sozialamp jag

Wie off han mer hee uns Leid jeklag
Un däm ärme Weet de Uhre möd jeschwaadt
Ich kann et einfach nit verstonn
Dat mer dat all verjesse han
Weed widder Zigg, dat mer all zo em stonn

Wat es en Stadt noch wert
Die sing Weetslück nit ernährt
Wat es dat för ne Minscheschlag
Dä kein Metleid mih empfingk
Nur noch Bier us Fläsche drink
Un uns Weetslück och noch zom Sozialamp jag

Un su hald' ich et mem Goethe
Dä schon domols hät erklärt: Su en Stadt
Die es de Freiheit kein Stöck wert

Wat es en Stadt noch wert
Die sing Weetslück nit ernährt
Wat es dat för ne Minscheschlag

Wat es en Stadt noch wert
Die sing Weetslück nit ernährt
Wat es dat för ne Minscheschlag
Dä kein Metleid mih empfingk
Nur noch Bier us Fläsche drink
Un uns Weetslück och noch zom Sozialamp jag
Un uns Weetslück och noch zom Sozialamp jag