لفة في الزمالك
كنتي فين
علقت المشانق لنفسي من الحبل اللي بين
كرهك و حبي مبقاش من اللي بيننا فاضل غير يومين
افتكرهم و انام
اسكن آلام
سببها حطام اللي كان
فاكر زمان لما قولتي مش همشي و دلوقتي انتي فين
دلوقتي انتي فين
مش حاسس بوجودك رغم ان بيننا خطوتين
دلوقتي انتي فين
مش شايف نفس الصورة بنفس العين ياه
سنين كدابة
مشاعر قلابة
قضيت كتير ليالي استنى ترجعيلي
متداري في مدينة كل شيء فيها مفكرني بيكي
نحتت في الصخر و ما كان في شيء راضيكي
دي عنيكي سدت احتياجي للأمان
سلمتلك فاتفتحتلك البيبان
كنتي
اخر محاولة ليا قبل الانعزال
سيبتيني في نص الطريق وحيد و همي عليا مال
و الليلة دي تشبه اللي فاتت
بقول حبيبتي ماتت
جوايا في زحمة كلام لكن من برة ساكت
بصبر نفسي لسة بصوتك لما قولتي هانت
في الحلم عايش رغم ان الحقيقة بانت
مش لاقي لرجوعك رجا
سحبتي مني كل الطاقة
بتدارى في خيال الليل من الملامة
و الاحزان تسيب علامة و العيون شوافة
جريح دمي بيسيل فوق الورق اغاني
على عكس غيري مرتاح انك مش شيفاني
مبقتش اخاف من وحدتي في طريق ملوش نهاية
هوصل و اكمل رغم كونك مش معايا
في وجودك كنت بتمنى ان الوقت مايجريش
دلوقتي متعلق في رحمة عقرب مابيمشيش
استنيت منك كتير حاجات و مابتجيش
خدتي مني الكتير بردو مبتديش
سيبتيني طفل تايه، في عتمة الشوارع
بصرخ بعلو صوتي لكن ما حد سامع
اوجاعي ما يمحيها الزمن ولا الرجوع
سجين بيطلب رحمة من بين الضلوع
دنيا بتشد فيا شوفت من الاذية ياما
اقابل غريب قدامه اتصنع الابتسامة
حيطان الوحدة طافحة دخان المسكن اللي معادش نافع
محبوس في الذكرى للحياه مفيش دوافع
كله بيعدي سهل من بعد صعوبة البداية
الا اللي عدى في بعدك موت شيء جوايا
بحر اللي بيننا غرق اللي بيننا باقي
و اتقلب حالك عليا من العلاج بقيتي دائي
لسة فيها حاجة مخلياني اكمل رغم كل اللي شايفه منها
حاجة يمكن بتقوي اللي بيننا
بكتب الغنوة و على المخدة دموعها تدوب اللي بيننا
عافرنا و كملنا و في الآخر ندمنا بعد ما وصلنا
و سيبنا كل الكون ورانا
سيبنا كل دة برضانا
كان نفسي انني ابعد و آخد من كل البشر حصانه
كان نفسي انني اخدك معايا بس مدينتي مش عمرانه
كان نفسي محكيش كل اللي اتقال في الاغاني
و انا صغير كان نفسي انني ابقى حد تاني
لو عقارب الساعة تلف بعكس اتجاهها مش هكون مكاني
هختار الاختيار التاني، مش هكون اناني
لو عايزة تعرفيني هحكيلك كتاب
خليت محمد يشتغل و بيتهوڤين يراب
مستقبلي سايبه رهن الاكتئاب
في ايدي مفتاح مش عارف دة لأنهي باب
بلحن الاحزان على وتر كمان بفتكرك زمان بفتكر مكان فاقد الامان باهت الالوان
و لسة صورتك على الحيطان
بشوهها بالحطام
مش بفتكرك كل ليله لا بطلت
نسيانك كان اصعب من ما انا افتكرت
متحاوليش تهدي الكره بيننا باني الف حيط فولاذ
قرار رجوعنا مرفوض مفهوش التماس
كنتي سم في العسل فموت بالبطيء
الطفل بيكبر و السجن بيضيق
اسود عشان على الافكار يليق
باخد عزا اللي سابني في الطريق
