Wie 'Ne Stein
Noch vüür kooter Zick, do woorste furchbar chic,
Jetz fällt dir langsam op, wat alles nimieh trick, stemp et nit?
Do häss et nie jegläuv, wenn einer säät Pass op
Jetz küsste langsam drop un packs dich ahn der Kopp, stemp et nit?
Do häss dich schiefjelaach
Jie sinn nur neidisch, hässte dir jedaach
Jetz weißte nit nieh, wann de laache solls
Un övverhaup, jetz besste janit mieh su stolz
Jetz hängste nur noch römm un lamentiers
Do hätts et ärme Dier
Wie küsste dir vüür?
Saach mir wie küsste dir vüür?
Do föhls dich nirjens doheim
Weil Frönde hässte'rer kein
Do titschs erömm wie'ne Stein
Ja, do woors op de schlauste Schulle, klar
Nur do ham se dir verdamp vill Schwachsinn beijebraat
Nur ein Saach, die hässte nie jeliert
Nämlich wie mer drusse schlööf un dobei nit erfriert
Wat dich jetz irritiert
Ding Kompromisse wooren janz erbämlich krank
Jetz söökste Alibis, avver Frollein jottseidank
Verkäuf die keiner, un jeschenk krisste se nit
Do steiß vürm Nix, dat süht mer op der eezte Blick
Do hätts et nie jedaach, do bess allein
Et hält kein Sau mieh zo dir
Wie küsste dir vüür?
Saach mir wie küsste dir vüür?
Do föhls dich nirjens doheim
Weil Frönde hässte'rer kein
Do titschs erömm wie'ne Stein
Nä, für mich woor nie jet drinn, weil do wollts jet bessres sinn
Un für all ding Strunzerei woor ming Breeftäsch jet zu dünn, stemp et nit?
Un ding Schickeria-Schau jing mer op de Nerve, Frau,
Datte mich dozo nit krääts, woßte absolut jenau,
Jetz saach bloß, dat stemp och nit? (ach hühr doch op)
Do häss dich immer nur für mich jeniert,
Wat en mir vüürjing, hätt dich nie groß intressiert.
Et ess schun jeck, wie mer sich täusche kann,
Et ess vorbei, wemmer jraad denk: "Jetz fäng et ahn"
Do weiß, do bess et selvs schuld, datte keinem mieh vertraue kanns.
