Ang Pasko Ay Sumapit

Verse 1:

Minimithing araw, ito'y nalalapit
Pasko at ang araw ay sumapit
Besing-busy at lahat ay masaya
Madaling araw pa lang, lahat gising na
Baket?, siyempre, simbang gabi
Kelangan bumuo siyam na gabi
At para mabuo konting tiis
Kelangang kumpleto at walang mintis,
Pero 'wag mag-alala, sarap naman di ba?
Pagkatapos ng misa, may bibingka,
Puto bumbong at saka kutsinta,
Mga ganito sa Amerika wala,
Kaya lahat ng mga taga-states ay umuuwi,
Pagdating ng Pasko, di pwedeng hindi,
Ito ang kanilang miss na miss,
Pag-uwi ng Pilipinas oh, anong tamis...

CHORUS:

Ang Pasko ay sumapit, tayo ay mangagsi awit
Ng magagandang himig, dahil sa Diyos ay pag-ibig,
Ng si Kristo'y isilang may Tatlong Haring nagsidalaw
At ang bawat isa ay nag si paghandog ng tanging alay.

VERSE 2:

Gabi-gabi, may dumarating
Grupo-grupo nangangarolling
Bata't matanda kumakanta
Tinatambol ang mga lata,
Ina-awit mga Christmas songs,
Pero kung hi-tech, karaoke, sing-along
Don't get me wrong, pagdating sa aginaldo
Sa ilalim ng Christmas tree mga regalo,
Kumpleto ang buong pamilya,
Walang hihigit kung sama-sama
Kumakain ng champorado,
'Tsaka home made siopao na asado,
Nagkukwentohan, nagtatawanan,
Natutuksohan pero walang pikunan,
Nagmamahalan nagkakaisa
Pag ang Pasko ay malapit na.

Repeat Chorus:

VERSE 3:

Lahat ng magkaaway nagbabati,
Ngiti at 'di galit ang sinusukli,
Buong taon nag-i-isnaban,
Pero ngayon ay nagpapansinan,
Lalung-lalo na ang mga nagliligawan
Buong taon ay nagtatampohan,
At yon lang naman talaga ang dahilan
Ang Pasko ay pagmamahalan,
Mahalin ang kapwa, utos satin ng naglikha,
Ibinigay nya tanging anak sa atin
Para ipadama ang pag-mamahal sa atin,
Tandaan ang tanging dahilan,
Bakit ang Panginoong Hesus ay isinilang,
Para tayong lahat ay turuan,
Na tayong lahat, iisang pinanggalingan...

Repeat Chorus (2X)