واحشني نفسي - تتر بدايه مسلسل جعفر العمده
وحشني نفسي زمان أوي و وحشني أشوف
روحي مفيش فيها الوجع جايب ظروف
و وحشني بالي وهو رايق كل يوم
بس الهموم سايبة لي حتى في ضحكي خوف
وخذتني و ودتني ظروف الدنيا ورمتني
ولما الفرحة طردتني همومي بسرعة حضرت لي
مبقتش أنا خالص نهائي في المرايا ببص ألاقي
باقي من طيبتي البواقي عشان القسوة قستني
وكان باين قصاد عيني
حقيقتي والشك أنا عاميني
بسيطة يا دنيا لاعبيني
على الفرح استغماية
في أهلي وحقي وأصحابي
يا دنيا ما سبتليش نابي
رضيت بس إحتمى نابي
مادام تعويرتي في ضنايا
مادام تعويرتي في ضنايا
خايف لمن كثر الهموم أنام في يوم معرفش أقوم
صعب حال على طول يدوم يا هم دايم ليّ ليه
كنت ماشي زمان في حالي بس معجبش الليالي
يا زمن مالك ومالي شوف بقى غيري ترازيه
وكان باين قصاد عيني
حقيقتي والشك أنا عاميني
بسيطة يا دنيا لاعبيني
على الفرح استغماية
في أهلي وحقي وأصحابي
يا دنيا ما سبتليش نابي
رضيت بس إحتمى نابي
مادام تعويرتي في ضنايا
مادام تعويرتي في ضنايا
