نور روضه [Original]
Moatazh
جيت ابسأل هالقمر يدري بزينه ؟
رَد لي من قبْل لا اسأل سؤالي
قال مسكين القمر الله يعينه
كيف ابظوي و بينكم شمسٍ بدالي !
نورها كل الخلايق شايفينه
نورها غير البشر فوق احتمالي
يا بياض في السما أشرق جبينه
نور روضه تستنير به الليالي !
- -
جيت ابمدح هالزهر مع ياسمينه
قال لا أرجوك لا تثير انفعالي
كل طيبٍ قد سكن ثوبه و يمينه
وش بقى لي من الغلا يا عزتالي !
قلبها بحرٍ تظيع به السفينه
يهدي احبابه وفا حب و لآلي
تشبهين الما بطهرك والسكينة
صافيه بمحبتك وبْما بدا لي
- -
يتبعك غيمٍ ويمطر لك حنينه
وكل صحرا قد شكت ياضيق حالي
نرتوي بك شوق و شوفك محترينه
روضه وعقبك ولا به أي مجالي
كل خامس من شهر ايه ذاكرينه
يوم ميلادك بشاره وطيب فالي
الله لا يبيّن غلا الدرّة الثمينة
روضة يا روضة أول و تالي
