الحزن حزني [Original]
Khalifa Bin Hamad Bin Khalifa Al Thani
الحزن حزني والسوايا سواياك
يلي خذيت من العمر ماخذيته
تزعل علي واستسمحك واترجاك
هذا وغيرك لازعل مارجيته
امد لك يمناي وترد يمناك
قلي معك وش ذنبي اللي جنيته
القلب بيتك والمشاعر هداياك
وشلون تهدم بيتك اللي بنيته
أنا اتنازل لك لجل اكسب ارضاك
وكم واحدن لرضاك راح ونسيته
ايام عمري كلها من ضحاياك
لقيت جرحي والدواء مالقيته
