Preet Hi Dolyant Majhya
DASHARATH PUJARI, MADHUKAR JOSHI
प्रीत ही डोळ्यांत माझ्या गीत ते ओठांवरी
प्रीत ही डोळ्यांत माझ्या गीत ते ओठांवरी
मी तुझ्या हृदयात आहे तू असावे अंतरी
प्रीत ही डोळ्यांत माझ्या गीत ते ओठांवरी
भावना दाटून आल्या दाटुनी संवेदना
कल्पनांनी जाणुनी घे अंतरीच्या या खुणा
काय बोलावे सुचेना मूक झाली वैखरी
प्रीत ही डोळ्यांत माझ्या गीत ते ओठांवरी
भरुन आली का तुझी ती पावसाळी लोचने
का तुझ्या अश्रूंत भिजले केशरी ते चांदणे
सोड वेडे हा अबोला वेल का तू लाजरी
प्रीत ही डोळ्यांत माझ्या गीत ते ओठांवरी
मी फुलावे मी हसावे सांगते माझ्या मना
चंदनाच्या चांदण्यांनी गंध येतो जीवना
सप्तरंगी जीवनाचे गंध उधळू अंबरी
मी तुझ्या हृदयात आहे तू असावे अंतरी
प्रीत ही डोळ्यांत माझ्या गीत ते ओठांवरी
