Acetone - أسيتون

شافوني بدي الأول فضوا الطريق
إنت بَطِيء، نفسك تتعالج وأنا طبيب
ولع ولع، مش بحب الراب اللطيف
وداع وداع، للي كاره إني بضيف، ياه

عاملي نيجا وإنت لسه بيبي بوي
إنت في إيدي توي أصلي بسقي الجراثيم ديتول
سهل أركبك على الـ Beat بخبط خبطة وبعملك كركبة
شخبط بقى على اللي يبرطم وإستنظر حبل المشنقة ولا

سلكة وركب شغل سجل سجل المايكات إتسدت
ناس بتفتف على المايك دمي إتحرق وأعصابي إتشدت
وجت مني وهبت قولت أنزل بتراك ينزل يتسبب
إن إللي بيهبد على المايك يظبط نفسه ويتادب

أول مرة في حياتي أشوف بشر بتراب بالبركة
التاسع عشر لو حضر يعمل منكم سلطة
لساني بيحدف حجر ودماغي أنشف من الزلطة
إنت محتاج الشفقة، good morning مستر ألطة، ياه

فبنرمي دبش
إنت في منطقة لبش طبيعي الحياء يتخدش
جيت لقدرك هابرا كادابرا جحش وقطم الجزرة
إنت حشرة طب مين اللي حشرك

إحنا نفل في الحديد وإنت الحرير يليق بيك
إنت شيء فيك من الـ fake real
أمركو أسهل من السهولة it's not a big deal
لسه فيه كتير يا جميل you know what i mean

ياه، أكيد إحساس ممل
أنا أسيتون وإنت فل
أنا داخل الحلبة ألم بطولات من اللي عامل جن زن
إفضل زن وأنا هكسب (تن تن تن)

رقيق أوي زي الباتون ساليه
ده ليه فيه إيه إسأله يمكن محطوط عليه، إيه
تقريبًا الدمعة في عنيه وده مش بأيديه
طب بقولك إيه كاسكليلياه دالابويه

محتاجين لسندة رحتم المسابقة صدق
أو بلاش تصدق، سقف لو لقتني سابقك فجأة
ما أنا مش بعتب ع النصيب
كفاءة أوقف الطريق لو كنت بعزف ع الرصيف، ياه

مفيش كوراس التراك عاجبني كما هو
بوقك كبير، نصيحة ليك ما تسيب لسانك جوة
تراكاتي عاملة زي محترفين ألعاب القوى
تراكاتك جدب، للأسف شكلك محتاج المون، ياه

فبناكل البلد سبناكوا في البلا
لما فاق حس دماغة بتتقلى
خدناكو في الخلا
إتدارو في بعض عشان خافو من القلق
يمكن السبب كنت أنا وده اللي مكبر المسألة

الراب مش لايق عليكوا زي شنب هاني رمزي
إنتوا برابر بتكابر لكن سعركو رمزي
لما بنتقابل بتخافوا ولازم ترفعوا رمزي
نكتفي بهذا القدر من رمزي أنا كده مرضي، ياه

سايق في الغتاتة
Couple middle fingers خدلك واحد من التلاتة
(إيه ده)
يخرب بيت ذكائك أنا صريح ليه بتعتبرني بتمادا

الباب جاب كالون
شوف الدبوس كفاءة يفرقع كام بالون
قولي إنت كام جالون
بشوفهم براميل I like to killem on my own