Aly Elewa - علي عليوه
Ahmed Fouad Negm - أحمد فؤاد نجم
علي عليوة .. ياللي
ضرب الزميرة .. ياللي
و ضربها حربي
نطت في قلبي
قلبي رقاص
في بلاد الناس
و الناس مجاريح
من عكس الريح
و الريح حربانة
لا تبوح بامانة
و امانة يا خلي
تعشق و تقولي
على قصعة حنة
في جنينة حنا
حنا وزان
عند السلطان
سلطان هبوش ..
ابو ذمة فشوش ..
السبحة في ايده
بيعد عبيده
و عبيده كتار
زنهار زنهار
زنهار افراح
ياكلوا التفاح
و الصوف مساكين
ضايعين ضايعين
في الفرحة ناسينا
و في همه داعينا
يسبح
و يقول غناوينا
غناوينا عذاب
م الباب للباب
و عذابنا حنان
مش للسلطان
سلطان الشوم
سرق الفيوم
و خدوه محتار
م الدار للنار
نصبوا له الزار
