عالين المقام

ما على دبيّ زود ولا عـلـيـها كـلام
ولا لها في جميع الكون شكل ومـثـيل
ما يلام اللي يحبك يا دبي مـا يلام
يا ديار الأحبة كل شي بـك جـمـيل

يا سلامي على بو راشد أجمل سلام
جامعٍ في الفروسيّة قـصـايد وخـيل
فذّ من مدرسة راشـد وزايـد سنام
يصنع المعجزة ويـطوّع المستحيل

(لفتته للصعود وخـطــوتــه للأمـام (للأمـام
نهج فكره منارة جيل من بعد جيل
ما ينام ودبـي الـحالمة لا مـا تـنام
إلا وهـي الـرقم واحد ما رضت بالبديل

ويا سلامي عـلـى حمدان عالي المقام
عاشق دبي لي ظلّه عـلـيـهـا ظـلـيـل
حرٍ أشقر جناحه لـلـفـخـر يـوم حـام
تاجه الـمـجـد والـعـلـيا لـدربه دلـيـل

حبه الله وحبب فيه كل الأنام
كل مدح في سموه يبقى دايم قليل
بالجزيلة كسا داره عـمل واهـتـمام
وأنعم الله عليه بكلّ فـضــلٍ جــزيـل

طيب قلبه وذوقه فوق صدره وســام
خاطرِه سمح وكفوفه سحاب ونـخـيـل
للصغير اهتمام ولـلـكـبـيـر احــتـرام
فيه رحمة وعطف وكل طبعه نِبـيـل

زاده الله مـحـمّـد مـثـل بــدر التمام
والثريّا تهنّي في قدومـه سـهــيـل
يا عسى الله يبارك فيه نسل الـكــرام
ويتربّى بعزّه جعـل عـمــره طـويـل

فرحت دبي بقدومه وغنّى الـحـمـام
واستجابت لها الدنيا سلام وهــديل
شيخ من آل مكتوم الشيوخ الكرام
لي لهم ع الوطن ضفوه وسابق جميل

ما على دبيّ زود ولا عـلـيـها كـلام
ولا لها في جميع الكون شكل ومـثـيل
ما يلام اللي يحبك يا دبي مـا يـــلام
يا ديار الأحبة كل شي بـك جـمـيل