فزاع الهمم [Original]
Ahmed Al Marry
كل عامٍ وانت فزاع الهمم
يا سمو الطيب وانت الطايله
وكل عامٍ وانت عون المنحرم
وكل عينٍ في دبي تخايله
يوم ميلادك ولِد معك الكرم
اسمك واسمه هو نفس العايله
يوم قدْح الخيل ومصارع لِجِم
ابشر بفزاع فوز اصايله
——
في سموّك وفي شموخك محترم
وانت قلبك كل طيبٍ شايله
من محمد طيب ماخذلك قَسِم
لي يعدل في السنين المايله
ومن محمد خذت وش معنى الحَزم
ولك دلايل شابهت دلايله
يا عسانا منك لا ما ننحرم
ويعل تبطي في السنين الطايله
