CHOTI UNGLI
Aja thoda level pe fir sath me nazare le
tere liye kafi kuch hai kismat ke pitare me
ankho ki putli pehchane kathputli
to duniya ko maza bada aata chhoti ungli pe nachane me
Ha me ha milata nahi mai mu pe karu fauran mana
khul ke kaise jeete jeeta jaagta udharan bana
chalte khate peete rapper bina kaate peete
bheed se nikal ke aage bheed ka mai karan bana
najane kamayabi kar rahi ishare kabse
milte aate jaate log mila haske sabse
mujhe sunte ho to ek bat aur sun lo meri
kisi ke nakshe kadam chalo mat tum faado nakshe
girane me ye duniya kare der nahi
insan bano aadhe kate ped nahi
kismat ka loha rehta garam hi hai
tum rakh ke maro to hathoda jab tak aa jati tared nahi
Aja thoda level pe fir sath me nazare le
tere liye kafi kuch hai kismat ke pitare me
ankho ki putli pehchane kathputli
to duniya ko maza bada aata chhoti ungli pe nachane me
Hamse zada badhiya life jeeke gayi hamari peedhiyan
sabke bandhe hath phone se wireless ye bediyan
apne se zada tera dusro pe focus
pehle tha social ab ye ban gaya shoshan media
pehle gane chalte the sirf radio pe
ab thok ke bhaav bike sabzi jaise rediyon pe
saala koi bhi uth ke ban jata hai singer rapper
jabse har dusri gali me ab ek studio hai
sunne lage behtar hai is kadar kaan
khada ustaado ke bhi aage hota nazar taan
insta pe har dusra banda khud ko samjhe celebrity
ya to kala gayi hai mar ya mar chuka hai kadardan
ye bolte nahi sach ke andar se kya chahte hai
dhokha dene wale dheere dheere pakde jate hai
hum ginte na ginate note kisi ko
na jane kitne sare fans to hum per second kamate hai
ye kehte nastiko ke ache nahi nateeje hai
sare upar jayenge jitne baithe neeche hai
jo har din ghut ke marte roz maut ke khauf me
ab ye mujhe sikhayenge ke khul ke kaise jeete hai?
Aja thoda level pe fir sath me nazare le
tere liye kafi kuch hai kismat ke pitare me
ankho ki putli pehchane kathputli
to duniya ko maza bada aata chhoti ungli pe nachane me